რატომ ჩვენ
ტრენინგები, კონსალტინგი და კვლევებია ჩვენი ბიზნეს პროფილი. "დახლზე" გამოგვაქვს ჩვენი გუნდის წლობით დაგროვილი ცოდნა და გამოცდილება აქტუალურ და მუდმივად განახლებად თემატიკაზე.
სიახლე და ვიტამინებია არა ჩვენ პროფილში, არამედ თავად ტრენინგის, კონსალტინგისა თუ კვლევების ხედვაში, მის სტრუქტურასა და წარმართვის თავისებურებებშია.
სამ ძირითად ინგრედიენტს გამოვყოფთ:
- ხარისხი - სპეციალიზებული მასალა, მომზადებული და გადმოცემული კონკრეტულ თემაში გაწაფული პრაქტიკოსი პროფესიონალის მიერ. მასალა, რომელიც არ წარმოადგენს არც კოპიოს და არც უბრალო მიბაძვას, არამედ ემყარება თავად ტრენერის ცოდნას, პრაქტიკულ გამოცდილებას და მორგებულია კონკრეტულ მიზნობრივ მოთხოვნას;
- კრეატივი - შემოქმედებითი და სახალისო ელემენტებით გაწყობილი ფაბულა, არსებული სიტუაციის ანალიზითა და საჭიროებების კვლევით გამოვლენილი, პრეზენტაციები, პრაქტიკული სავარჯიშოები, შეჯიბრები, თამაშები და მოდელები (ე.წ Gamification);
- ემოცია - თავისუფალი და უშუალო, კლასიკური ტრენინგებისათვის, კვლევისთვის თუ კონსალტინგისთვის უჩვეულო გარემო საინტერესო ხალხის გასაცნობად, ინფორმაციის გასაცვლელად, დისკუსიის რეჟიმში საკუთარი აზრისა და შეხედულებების დასაფიქსირებლად, გამოცდილების გასაზიარებლად და უბრალოდ, დროის სასიამოვნოდ და თან სასარგებლოდ გასატარებლად.
ჯამში, ჩვენთვის იქმნება უფრო დიდი მნიშვნელობის მატარებელი კომპოზიცია, ვიდრე ყბადაღებული ტრენინგია, კონსალტინგი თუ კვლევები, თავისებური ხელწერის გარნირით, რაც ინტელექტუალურ საკვებს გაცილებით გემრიელს და იოლად გადასამუშავებელს ხდის.
ესეც ჩვენი Value Proposition.
